Tuarascáil ón gCoimisiún maidir le rialuithe oifigiúla i mBallstáit (2019–2020) chun feidhmiú an dlí maidir le bia agus beatha, sláinte agus leas ainmhithe, sláinte plandaí agus táirgí cosanta plandaí a áirithiú.

Cumhdaítear sa tuarascáil seo feidhmiú foriomlán rialuithe oifigiúla thíortha an Aontais agus gníomhaíochtaí rialaithe an Choimisiúin a rinneadh in 2019 agus 2020 chun ardleibhéal cosanta sláinte agus iontaoibhe sa bhiashlabhra a chinntiú, ón bhfeirm go dtí an forc. Tá na rialuithe agus na hiniúchtaí sin tábhachtach chun a fhíorú go bhfuil na ceanglais dhlíthiúla á gcomhlíonadh ag gnólachtaí agus ionas gur féidir le tomhaltóirí Eorpacha a bheith muiníneach go bhfuil an bia a itheann siad sábháilte. Tá siad ríthábhachtach freisin chun oibriú rianúil na trádála sábháilte bia, ainmhithe agus plandaí a chumasú, laistigh den Aontas agus le tíortha nach bhfuil san Aontas araon.