L-akkwakultura sostenibbli tal-ilma ħelu fl-UE u fl-Ungerija

Hemm potenzjal enormi fl-akkwakultura tal-ilma ħelu fl-UE u f’pajjiżi oħra fid-dinja. Fir-rigward tad-domanda dinjija għall-ikel, il-ħut kellu t-tieni l-ogħla livelli ta’ konsum, b’ 27.9 fil-mija fl-2014. Se jkun hemm żieda qawwija fid-domanda għall-prodotti tal-ħut u tal-akkwakultura peress li l-FAO tan-NU tipproġetta madwar 9 biljun persuna li jgħixu l-pjaneta tagħna sal-2050. L-ekonomija diġà bdiet l-adattament tagħha. Filwaqt li l-produzzjoni dinjija tal-akkwakultura żdiedet minn 7 għal 82 miljun tunnellata fis-sena mill-1990, ma hemm l-ebda żieda fl-UE fejn nistgħu nosservaw staġnar fil-produzzjoni ta’ madwar 1.26 miljun tunnellata fis-sena. L-UE għandha l-potenzjal tagħha: il-kosta madwar 68 elf km, 500 elf għadajjar naturali, eċċ. Flimkien mal-akkwakultura tal-ilma baħar hemm diversi speċijiet ta’ ħut tal-ilma ħelu bħat-troti, il-karpjuni jew il-catfish li l-produzzjoni tagħhom tista’ tiżdied radikalment permezz tal-investiment, l-innovazzjoni u l-ħolqien ta’ ħafna impjiegi ġodda fis-settur tal-ilma ħelu. Pajjiż żgħir, l-Ungerija tista’ turi eżempji tajbin fl-għadajjar u fit-trobbija intensiva tal-ħut minkejja li l-pajjiż għadu ma laħaqx il-potenzjal sħiħ tiegħu. L-ispinta tista’ tiġi ġestita permezz ta’ aktar għotjiet u inċentivi oħra għall-investimenti, l-innovazzjoni, il-kooperazzjoni u l-promozzjoni. Is-servizzi ekoloġiċi ta’ valur li jipprovdu l-pixxikulturi minn sena għal sena għandhom jiġu ppremjati wkoll. Għalhekk, ejjew nibdew naġixxu.